Íbúasamtökin Átak spyrja um sorpflokkun

Íbúasamtökin Átak í Dýrafirði hafa sent bæjarráði Ísafjarðarbæjar erindi um sorpflokkun. Vilja þau fá upplýsingar um ferlið eftir að sorpið hefur verið sótt til heimilanna.

Í bréfinu segir:

„Vegna  orðróms  sem  oft  kemur  upp  um  að  flokkað  sorp  sé  í  sumum  tilfellum sameinað  eftir  að  það  er  sótt  úr  tunnum,  óska  samtökin  eftir  upplýsingum  um það ferli  sem  á  sér  stað  eftir  að  sorp  er  sótt  frá  heimilum,  hvaða  aðilar  koma  við sögu  og  hvort  flokkað  sorp  sé  nokkurstaðar  í  því  ferli  sameinað.“

Vonast þau til þess að svörin kveði niður orðróminn endanlega. Einnig  óska  samtökin  eftir  því  að  það  verði athugað  með  hvaða  hætti  sorpflokkun  á  sér  stað  hjá  stofnunum  bæjarins  á svæðinu,  s.s.  dvalarheimili,  höfn  o.s.frv.  þannig  að  staðfest  sé  að  sveitarfélagið sýni  íbúum  gott  fordæmi.

Sigmundur Þórðarson, stjórnarmaður í samtökunum sagði í samtali við Bæjarins besta að sorpið væri flokkað hjá Grunnskólanum en hins vegar ekki hjá heilbrigðisstofnuninni. Eins væri sorp á tjaldsvæðinu óflokkað. Hann lagði áherslu á að vilji íbúanna væri sá að sem best væri staðið að þessum málum. Einn þáttur í því ferli væri að flokkunin væri viðhöfð alla leið til urðunar eða annarrar förgunar.

DEILA