Íslensku landsliðin fjögur í U16 stúlkna og drengja og U18 stúlkna og drengja spiluðu öll í dag gegn Norðmönnum. Þrír leikir unnust og einn tapaðist.
Stúlknaliðið U16 tapaði í mjög jöfnum leik 54:50. Helena Haraldsdóttir, Vestra gerði 2 stig í leiknum og tók eitt frákast.
Drengjaliðið í U16 vann öruggan sigur 78:53. Vestramaðurinn Friðrik Heiðar Vignisson gerði 4 stig og tók 6 fráköst.
U18 lið drengja vann Norðmennina 83:76 þar sem sigurinn réðist í lokafjórðungnum. Bræðurnir Hugi og Hilmir Hallgrímssynir léku báðir. Hugi gerði 4 stig, tók 3 fráköst og átti 2 stoðsendingar. Hilmir skorðai 3 stig og tók eitt frákast.
Loks vann U18 lið stúlkna norsku stúlkurnar 68:59.
