Meistaramót Golfklúbbs Ísafjarðar hefst í dag og lýkur á laugardaginn. Keppt verður í fjórum flokkum:
1. flokkur karla < 12 í forgjöf
2. flokkur karla > en 12 í forgjöf
3. öldungaflokkur karla 55+
4. kvennaflokkur
Fyrsti og annar flokkur spila fjórum sinnum 18 holur en þriðji og fjórðu flokkur spila 36 holur, sem hægt er að spila á tveimur til fjórum dögum. Hægt er að spila milli kl. 08:00 og 24:00 frá miðvikudegi til laugardags. Lágmarksfjöldi í ráshóp eru tveir. Veðurspáin er góð, suðvestan hlýviðri en gæti slett úr sér seinnipart þessa daga.
Skipað verður í riðla til úrslita á laugardag miðað við gengi fram að þeim tíma.
Meistaramótið er hápunktur golfvertíðarinnar og er eina mótið fyrir utan H.G. mótið sem nær yfir meira en einn dag.
