Reykhólahreppur: eftirlitsnefnd gerir athugasemd

Frá fundi á Reykhólum um vegamál. Mynd : Reykholar.is

Eftirlitsnefnd um fjárhag sveitarfélaga hefur ritað sveitarstjórn Reykhólahrepps bréf og gerir athugasemd við fjárhagsáætlun sveitarfélagsins fyrir 2019- 2022, þar sem gert sé ráð fyrir að að rekstrarniðurstaða A- hluta og B-hluta  verði neikvæð í þrjú ár af fjórum.

Bendir eftirlitsnefndin á lagaskyldu sveitarfélaga samkvæmt jafnvægisreglu til þess að sjá til þess að samanlögð heildarútgjöld á hverju þriggja ára tímabili séu ekki hærri en nemur samanlögðum reglulegum tekjum.

Segir í bréfinu: „Ekki verður annað séð en sveitarfélagið áætli að uppfylla ekki jafnvægisreglulaganna.“

Óskar nefndin eftir stefnmótun  sveitarstjórnar í rekstrinum og hugsanlegar aðgerðir til þess að ná markmiðum laganna og annað sem sveitarstjórnin vill koma á framfæri varðandi fyrirspurn eftirlitsnefndarinnar.

Óskað er eftir svörum innan 60 daga frá dagsetningu bréfsins sem var 4. mars 2019. Bréfið var lagt fram til kynningar á síðasta fundi sveitarstjórnarinnar þann 9. apríl.

DEILA