Magnús Valur Jóhannsson, framkvæmdastjóri hjá Vegagerðinni var inntur eftir svörum Vegagerðarinnar við fullyrðingum Inngimars Ingimarssonar, oddvita Reykhólasveitar þess efnis að eftir öryggismatsúttektina yrði að uppfæra Reykhólasveitarveginn hvað sem líður vali á veglínu fyrir Vestfjarðaveg.
Svör Magnúsar Vals fara hér á eftir:
„Ingimar segir að Reykhólasveitarvegurinn hafi „fallið“ í öryggismatsskýrslunni og því verði alltaf að taka hann með í dæmið. Við segjum hins vegar að leið R standist ekki samanburð við leið Þ-H og hafi verulega minna umferðaröryggi í för með sér. Þar með er hún „fallin“ í samanburðinum og sveitarfélaginu því ekki heimilt að fara fram á að hún verði farin með vísan í 28. gr. vegalaga (80/2007).
Vissulega felast í því ákveðin samlegðaráhrif ef A3 leiðin er farin því þá uppfærist Reykhólasveitarvegurinn.
Vegagerðin hefur hins vegar sagt, og er þá horft til landsins alls, að það séu margir kaflar á þjóðvegakerfinu sem ættu að vera langt á undan Reykhólasveitarvegi í uppfærslu og að hann sé fullnægjandi fyrir þá umferð sem um hann fer. Höfum þó sagt að æskilegt væri að bæta hann á ákveðnum stöðum t.d. með uppsetningu leiðara.“
R leiðina þarf að kanna matsskyldu. Spurning hver niðurstaða Skipulagsstofnunar yrði.
