Úthlutað hefur verið styrkjum úr Afrekssjóði Héraðssambands Vestfirðinga en alls bárust þrettán umsóknir um styrk úr sjóðnum.
Stjórn Afrekssjóðsins hefur tekið ákvörðun um að gera samning við fimm einstaklinga um mánaðarlega styrki fyrir árið 2024. Helsta markmið með samningunum er að auka utanumhald og stefnumörkun á afrekssviði og jafnframt er sett aukin áhersla á markmið og markvissan undirbúning þeirra iðkenda sem stefna að því að komast í fremstu röð.
Þeir íþróttamenn sem gerður er samningur við eiga það öll sameiginlegt að vera með skýr og góð markmið um að styrkja sig og eflast í sinni íþróttagrein.
Þeir íþróttamenn sem gerðir verða árssamningar við eru:
Dagur Benediktsson, Skíðafélag Ísfirðinga
Ástmar Helgi Kristinsson, Skíðafélag Ísfirðinga
Grétar Smári Samúelsson, Skíðafélag Ísfirðinga
Guðrún Helga Sigurðardóttir, Lyftingardeild Vestra
Hákon Ari Heimisson, Blakdeild Vestra
Einnig voru veittir styrkir til átta íþróttamanna samkvæmt því ferli sem áður hefur verið úthlutað eftir hjá Afrekssjóðnum.