Mikill hugur í samstarfsaðilum á Vestfjörðum í baráttu gegn ofbeldi og afbrotum.
Fimmtudaginn 17. ágúst sl. stóð lögreglustjórinn á Vestfjörðum fyrir samráðsfundi lykilaðila í Vesturbyggð og Tálknafjarðarhreppi.
Um var að ræða samskonar fundi og haldnir voru fyrr í sömu viku á Hólmavík og Ísafirði.
Á fundinn mættu fulltrúar skólanna í sveitarfélögunum, fullrúar sveitarstjórna, Heilbrigðisstofnun Vestfjarða, lögreglunni á starfsstöðinni á Patreksfirði, félagsþjónustunni og barnavernd.
Á fundinum voru einnig verkefnisstjórar frá ríkislögreglustjóra, félagsráðgjafar á bráðamóttöku Landspítala og deildarstjóri Bjarkahlíðar.
Rætt var um nánara samstarf varðandi afbrotavarnir og ekki síst hvað varðar ofbeldisbrot.
Ætlunin er að stofna undirbúningshóp sem vinnur verkefnið lengra.