Mörg undanfarin ár (nema tvö þau síðustu) hefur Sjálfsbjörg í Bolungarvík haft það sem sína aðalfjáröflun að baka og selja pönnukökur þá daga sem sólin sést aftur í Bolungarvík.
![](https://www.bb.is/wp-content/uploads/2023/01/DSC_0358-1024x683.jpg)
Það eru félagsmenn og velunnarar félagsins sem baka pönnukökur og flestar nota til þess tvær pönnur í einu. Ein jók afköstin verulega en henni tókst að baka á fjórum pönnum samtímis. Enda eru það mörg þúsund pönnukökur sem eru bakaðar
Velunnarar Sjálfsbjargar gefa hráefni til bakstursins og umbúðir. Það eru fyrirtækin Jakob Valgeir , Mjólkurvinnslan Arna, Bónus og Kjörbúðin.
![](https://www.bb.is/wp-content/uploads/2023/01/DSC_0356-1024x683.jpg)
Þetta árið hófst baksturinn á sunnudag og næstu þrjá daga var byrjað kl. 6 að morgni að setja á rjóma og sykra pönnukökurnar og var fengin til þess aðstaða í húsi Slysavarnafélagsins.
Fyrstu árin fór salan að mestu fram í Bolungarvík en á seinni árum hefur verulegur hluti farið til Ísafjarðar.
![](https://www.bb.is/wp-content/uploads/2023/01/DSC_0349-1024x683.jpg)
![](https://www.bb.is/wp-content/uploads/2023/01/DSC_0352-1024x683.jpg)
![](https://www.bb.is/wp-content/uploads/2023/01/DSC_0353-1024x683.jpg)