Davíð Smári Lamude hefur verið kynntur sem nýr þjálfari Vestra og skrifaði hann undir tveggja ára samning.
Davíð tilkynnti í gær að hann væri hættur sem þjálfari Kórdrengja en hann gerði frábæra hluti sem þjálfari liðsins, hann kom liðinu upp úr neðstu deild upp í 1. deildina.
Gunnar Heiðar Þorvaldsson stýrði Vestra á nýliðinni leiktíð en lét af störfum eftir eins árs starf. Vestri hafnaði í tíunda sæti Lengjudeildarinnar í sumar en Kórdrengir í því fimmta.
