![Afreks- og hvatningarsjóður Háskóla Íslands](https://www.bb.is/wp-content/uploads/2022/08/Ran-og-Jon-696x464.jpg)
Á dögunum var úthlutað 40 styrkjum úr Afreks- og hvatningarsjóði Háskóla Íslands.
Afreks- og hvatningarsjóður stúdenta Háskóla Íslands hefur allt frá árinu 2008 veitt styrki til nýnema sem náð hafa framúrskarandi árangri í námi til stúdentsprófs og jafnframt látið til sín taka á öðrum sviðum, svo sem í félagsstörfum í framhaldsskóla eða listum og íþróttum.
Ein styrkhafa er Rán Kjartansdóttir en Rán útskrifaðist frá MÍ í desember 2021 og var dúx skólans.
Meðfram námi í MÍ stundaði Rán dansnám hjá Listaskóla Rögnvaldar Ólafssonar á Ísafirði og tók þá m.a. þátt í norrænum og evrópskum dansverkefnum. Í MÍ tók hún enn fremur þátt í leiklistarstarfi nemendafélagsins og þá á Rán að baki bæði þverflautu- og píanónám.
Rán hefur innritast í nám í líffræði við Háskóla Íslands.