Matvælastofnun varar við neyslu á einni framleiðslulotu af karríi Hot madras curry sem Lagsmaður ehf. flytur inn vegna gruns um salmonellu smit. Fyrirtækið hefur með aðstoð heilbrigðiseftirlitsins HEF innkallað vöruna.
Matvælastofnun fékk vitneskju um innköllunina í gegnum RASFF hraðviðvörunarkerfi Evrópu um hættuleg matvæli og fóður.
Þá varar Matvælastofnun einnig við neyslu á einni framleiðslulotu af Sóló sumarbjór frá Íslenskri hollustu vegna þess að bjórdósir geta bólgnað og sprungið.
Fyrirtækið Og natura/Íslensk hollusta hefur innkallað bjórinn í samráði við Heilbrigðiseftirlit Garðarbæjar, Hafnarfjarðar, Kópavogs, Mosfellsbæjar og Seltjarnaness
![](https://www.bb.is/wp-content/uploads/2022/07/Solo-sumarbjor.jpg)
Nánari upplýsingar um þetta og annað sem ber að varast er á heimasíðu Matvælastofnunar mast.is