Út er komin bókin Dagbók úr fangelsi eftir Sigurð Gunnarsson. Það er bókaútgáfan Skrudda sem gefur bókina út.
Bók þessi var skrifuð meðan höfundurinn var vistaður á Litla Hrauni, Hún lýsir lífinu og baráttunni innan veggja fangelsins nánast dag frá degi þá fimm mánuði sem hann dvaldist þar.
Sigurður varð fljótt eins konar trúnaðarmaður félaga sinna, skrifaði fyrir þá bréf, umsóknir og kærur. Allir í fangelsinu vissu fljótlega af dagbókinni og menn kepptust við að segja af sér sögur sem Sigurður skráði og las svo á útibekknum næsta dag. Mikil ólga og óánægja var meðal fanga.
Meðan á vistinni stóð skrifaði Sigurður fjórar blaðagreinar í DV um fangelsismál. Hann varð þannig talsmaður fanga út á við og viðfangsefni hverrar greinar voru sameiginlega ákvörðuð á útibekknum.
Bókin er einstakur vitnisburður um lífið í íslensku fangelsi, skrifuð af mikilli næmni og skilningi með þeim sem verða undir í lífsbaráttunni.
