Gullrillurnar eru afrekskonur í víðum skilningi sem tóku þá afdrifaríku ákvörðun að æfa sig undir 50 kílómetra skíðagöngu í Fossavatnsgöngunni. Auk skíðagöngu eru þær vel liðtækar í hlaupum, hjólreiðum og sjósundi og svo mörgu öðru.
Nú ætla þær í dag miðvikudaginn 23. mars að skíða fyrir Úkraínu á Seljalandsdal og hvetja sem flest til að taka þátt.
Í leiðinni fer fram söfnun á peningum fyrir Unicef með frjálsum framlögum þátttakenda.
Allir eru hvattir til að klæðast gulu og bláu, ef fólk hefur tök á því.
Þátttakendum verður boðið upp á skíðanesti að göngu lokinni.
Fjölmennum og finnum samtakamáttinn á dalnum.
