Lögbýlaskrá 2021 er komin út

Lögbýlaskrá fyrir árið 2021 er komin út en skráin er gefin út árlega fyrir allt landið á grundvelli upplýsinga úr þinglýsingarbók og fasteignaskrá.

Frá árinu 2010 hefur Þjóðskrá haft það hlutverk að gefa út lögbýlaskrána og er haldið utan um hana í réttindahluta fasteignaskrár.

Samkvæmt jarðalögum teljast það lögbýli sem hafa fengið útgefið sérstakt leyfi frá ráðherra um lögbýlisrétt og skal því leyfi þinglýst. Við þinglýsinguna fær viðkomandi eign sérstaka merkingu í þinglýsingarhluta fasteignaskrár og birtist í næstu lögbýlaskrá sem gefin verður út.

Skránni er skipt eftir sveitarfélaganúmerum og þar birtast upplýsigar eigendur og ef jörðin er ekki í eyði eru ábúendur tilgreindir. Á árinu 2020 voru gerðar alls 15 breytingar á lögbýlaskrá þar sem 15 ný lögbýli voru skráð en ekkert lögbýli var afskráð.

Í lögbýlaskránni sem nú hefur verið gefin út er að finna upplýsingar um rúmlega 6760 lögbýli sem skráð eru á landinu í dag.

Sækja Lögbýlaskrá