Hafrannsóknastofnun leggur til í samræmi við varúðarsjónarmið að rækjuveiðar verði ekki heimilaðar í Ísafjarðardjúpi fiskveiðiárið 2021/2022.
Samkvæmt stofnmælingu haustið 2021 og í febrúar 2022 mældist rækjustofninn í Ísafjarðardjúpi undir skilgreindum varúðarmörkum.
Mikil lækkun vísitölu haustið 2021 er talin skýrast af miklu magni ýsu í Ísafjarðardjúpi sem eykur afrán og breytir útbreiðslu rækju.
