Alls voru eldisafurðir fyrir 2.750 milljónir króna fluttar út í ágúst samkvæmt tölum sem Hagstofan hefur birti um vöruskipti í mánuðinum.
Í ágúst í fyrra nam útflutningsverðmæti eldisafurða um 1.517 milljónum króna og því er aukning á milli ára um 81% í krónum talið.
Aukningin er nokkuð meiri á milli ára á föstu gengi, eða um 95%, þar sem gengi krónunnar var tæplega 8% sterkara nú í ágúst en í ágúst í fyrra.
Þar sem þetta eru fyrstu bráðabirgðatölur Hagstofunnar um vöruskipti í mánuðinum, er ekki hægt að sjá frekari sundurliðun fyrir einstaka tegundir.
Það eru þó afar góðar líkur á því að aukninguna megi rekja til eldislax líkt og undanfarin misseri.
Frekari sundurliðun á tölunum verður birt í lok þessa mánaðar.
Á fyrstu átta mánuðum ársins nam útflutningsverðmæti eldisafurða 24,4 milljörðum króna sem er tæplega helmingsaukning frá sama tímabili í fyrra er það nam 16,4 milljörðum.