Á strandveiðum má hver bátur landa að hámarki 650 kg. af slægðum afla í þorskígildum talið í hverri veiðiferð.
Undantekning er þó ef ufsa er landað sem strandveiðiafla í verkefnasjóð, en þá reiknast ufsaaflinn ekki til strandveiðiafla.
Fiskistofa áréttar að skipstjóri ber ábyrgð á því að skráning á hafnarvog sé rétt og ufsi sem ekki er merktur sem strandveiðiafli í verkefnasjóð reiknast eins og annar bolfiskur. Gögn sem Fiskistofa birtir byggja á fyrirliggjandi aflaskráningu á hafnarvog.
Leyfi til strandveiða hafa verið gefin út til 688 báta og var landaður afli strandveiðibáta í gær, fimmtudaginn 5. ágúst samtals 10.172.813 kg., sem er 79,32% af þeim heimildum (12.271 tonn) sem úthlutað er til strandveiða á fiskveiðiárinu 2020/2021.
