Andri Rúnar Bjarnason, knattspyrnukempa frá Bolungarvík, var valinn besti leikmaður Pepsi-deildar karla. Keppnistímabilinu lauk um helgina og framherjinn skæði skoraði í lokaleik deildarinnar í 2-1 sigri Grindavíkur á Fjölni og var það 19. mark kappans og þar með jafnaði hann markametið í deildinni.
Það er Knattspyrnusamband Íslands sem veitir viðurkenninguna.
Andri Rúnar fékk afhent Icelandairhornið eftir leik Grindavíkur og Fjölnis, ásamt því að fá eignarskjöld og ferðavinning frá Icelandair.
smari@bb.is
