Aflaverðmæti íslenskra skipa í febrúar var 5,8 milljarðar króna sem er 53,6% minna en í febrúar 2016. Þetta kemur fram í tölum sem Hagstofa Íslands birti í gær. Mikill samdráttur í aflaverðmæti skýrist af verkfalli sjómanna í vetur. Verkfallið hófst í desember og eftir harðvítugar deilur var því aflýst þann 19. febrúar.
Á eins árs tímabili frá mars 2016 til febrúar 2017 nam aflaverðmæti íslenskra skipa rúmum 118 milljörðum sem er 19,4% minna en á sama tímabili ári fyrr, að því er segir í umfjöllun Hagstofu Íslands.
Munurinn á verðmæti á ársgrundvelli, frá mars til febrúar, er 28 milljarðar króna.
