Endurhæfingardeild Heilbrigðisstofnunar Vestfjarða á Patreksfirði hefur fengið tvö ný æfingatæki að gjöf frá kvenfélögunum Hörpu og Sif. Tækin munu nýtast í daglegri þjálfun og endurhæfingu notenda.

Kvenfélagið Harpa gaf Concept2 SkiErg skíðagöngutæki. Tækið byggir á loftmótstöðu og virkjar alla helstu vöðvahópa. Það hentar vel til almennrar styrktar- og þolþjálfunar og má einnig nota í sitjandi stöðu, sem nýtist sérstaklega þeim sem eru í hjólastól.

Kvenfélagið Sif gaf Concept2 BikeErg æfingahjól. Hjólið notar sömu tækni og önnur Concept2 tæki, er með kúplingu eins og reiðhjól og tengist öppum á borð við Zwift og ErgData. Það hentar vel fyrir almenna þolþjálfun og sérstaklega þeim sem eru nýkomnir úr aðgerð á hné og þurfa á endurhæfingu að halda.

Stofnunin þakkar kærlega fyrir gjafirnar sem munu nýtast vel í fjölbreyttri þjálfun fyrir alla þá sem þangað koma.

Í tilefni þess að 50 ár eru um þessar mundir síðan stofnað var til Friðlands á Hornströndum, efnir Hornstrandanefnd til afmælismálþings á Ísafirði föstudaginn 23. maí, milli klukkan 15 og 18.

Á dagskránni eru nokkur stutt erindi og umræður er líta að náttúrufari og þýðingar friðunarinnar á það, til samfélags fólksins og sögu þess sem og skipulags og framtíðarsýnar.
Aðgangur að málþinginu er endurgjaldslaus og öllum heimill. Boðið verður upp á kaffiveitingar.
Um kvöldið verður efnt til kvöldvöku á Dokkunni þar sem gestum gefst tækifæri á að spreyta sig í þekkingu á Hornströndum í PubQuiz.

Nánari dagskrá verður send út mjög fljótlega.
Hornstrandanefnd er skipuð fulltrúum Landeigendafélags Sléttu – og Grunnavíkurhrepps, Ísafjarðarbæjar og Náttúruverndarstofnunar.

Aðalfundur Verkalýðsfélags Vestfirðinga var haldinn 28. apríl sl. a Ísafirði. Finnbogi Sveinbjörnsson var endurkosinn formaður til næstu tveggja ára. Bergvin Eyþórsson er varaformaður, Kolbrun Sverrisdóttir gjaldkeri og Guðrún Sigríður Matthíasdóttir ritari.

Auk þeirra eru formenn deilda félagsins í stjórninni. Þeir eru:

Gunnhildur B. Elíasdóttir – Almenn deild SGS

Hlynur S. Kristjánsson – Opinber deild SGS

Margrét J. Birkisdóttir – deild Verslunar- og skrifstofufólks LÍV

Sævar K. Gestsson – Sjómannadeild SSÍ

Viðar Kristinsson – Iðnaðardeild Samiðn

Aðalfundur Bolvíkingafélagsins í Reykjavík verður haldinn í dag, þriðjudaginn 6. maí 2025 kl. 17. Fundarstaður: Siglingaklúbburinn Ýmir, Naustvör 14, Kópavogi.

Ætlunin er að senda fljótlega út rukkun árgjalds ársins 2025 alls kr. 3.000,-

Unnið er að útgáfu Brimbrjótsins og allir félagar fá blaðið í pósti.

Þeir sem vilja ganga í félagið sendi nafn og kennitölu á netfangið kbo@simnet.is eða sms á 892 9200 og við bætum ykkur á félagalistann.

Þeir sem hafa áhuga á að taka þátt í stjórn eða starfi félagsins eru hvattir til þess að hafa samband við formann. Það vantar alltaf nýja og ferska liðsmenn.

Félagið verður 80 ára á næsta ári og stefnt er að því að halda upp á þau tímamót.

Í stjórn félagsins eru nú :

Kristján B Ólafsson s: 8929200

Ósk Gunnarsdóttir

Oddný Jóhannsdóttir

Ingólfur Hauksson

Sæbjörn Guðfinnsson