Fram kemur í greiningu Heilbrigðisstofnunar Vestfjarða að það er verulegur skortur á eftirfarandi heilbrigðisstéttum á svæðinu. Samtals eru talin upp 79 stöðugildi. Þar af eru 44 stöður hjúkrunarfræðinga og 8 stöður lækna:
Heimilislæknar: 5 stöðugildi
Lyflæknar: 2 stöðugildi
Skurðlæknir: 1 stöðugildi
Geislafræðingar: 3 stöðugildi (70% starfshlutfall)
Lífefnafræðingar: 3 stöðugildi
Ljósmæður: 3 stöðugildi
Hjúkrunarfræðingar -skurðhjúkrun: 4 stöðugildi
Hjúkrunarfræðingar – svæfing: 2 stöðugildi
Hjúkrunarfræðingar – heimahjúkrun, heilsugæsla, sjúkradeildir: 14 stöðugildi
Hjúkrunarfræðingar – heilsugæsla/heimahjúkrun/stoðdeildir: 20 stöðugildi
Hjúkrunarfræðingar – hjúkrunarheimili: 4 stöðugildi
Sjúkraliðar – hjúkrunarheimili : 12 stöðugildi
Sálfræðingar: 3 stöðugildi
Sjúkraþjálfarar: 3 stöðugildi
ívilnun á endurgreiðslu námslána
Þetta kemur fram í erindi sveitarfélaganna þriggja við Ísafjarðardjúp til Menningar-, nýsköpunar- og háskólaráðuneytisins, sem dagsett er 28. apríl 2025.
Sveitarfélögin fara fram á að ráðuneytið beiti heimild sinni til að veita sérstakar tímabundnar ívilnanir í formi endurgreiðslu námslána vegna sérgreina heilbrigðisstarfsfólks, með það að markmiði að bæta mönnun og tryggja heilbrigðisþjónustu á norðanverðum Vestfjörðum.
Heimild er til þess í 28. gr. laga nr. 60/2020, um Menntasjóð námsmanna að veita þess háttar ívilnun við aðstæður sem sveitarfélögin telja að eigi nú við.
