Eitt af þeim verkefnum sem fékk styrk úr Uppbyggingarsjóður Vestfjarða í ár var Félag um safn Gísla á Uppsölum.
Að Fremri-Uppsölum í Selárdal hyggst félagið opna sýningu þar sem lögð verður áhersla á sjálfbærni.
Gísli á Uppsölum hefur orðið að einskonar táknmynd fyrir nægjusemi, nýtni og sjálfbærni.
Húsakosturinn að Fremri-Uppsölum verður lagfærður, bæði íbúðarhús og útihús.
Einnig verður garður Gísla endurgerður og hyggst safnið bjóða gestum upp á heimaræktað grænmeti og mat úr héraði.
