Skötufjörður: OV kemur upp spennistöð

Orkubúsmenn að störfum á Skarðshlíðinni. Myndir: Kristinn H. Gunnarsson.

Á fimmtudaginn voru starfsmenn Orkubús Vestfjarða staddir í Skarðshlíð í Skötufirði að koma fyrir spennistöð fyrir laxeldiskvíar Háafells í Vigurál. Búið er að leggja sæstreng frá fóðurpramma að spennistöðinni.

Halldór V Magnússon framkvæmdastjóri Veitusviðs OV segir að Orkubúið sé í töluverðum framkvæmdum í Djúpinu á þessu ári vegna ört vaxandi eftirspurnar eftir meiri orku. „Ætlum að byggja nýja aðveitustöð á Nauteyri og hækka spennu á jarðstreng yfir Steingrímsfjarðarheiði.“

Fóðurpramminn Ögurnes sem senn mun fá rafmagn úr landi.

DEILA