Ísafjörður: Lions skemmtun á Hlíf á morgun

Frá Lions skemmtun á Hlíf. Mynd: Bjarni Jóhannsson.

Lionsklúbbur Ísafjarðar heldur skemmtun á Hlíf fyrir eldri borgara á morgun , föstudag 24. mars, og á dagskránni er kaffi hlaðborð, tónlist, söngur og bingó. Skemmtunin hefst kl 19:30.

Klúbburinn sem varð 65 ára á síðasta ári , hefur boðið upp á  skemmtikvöld á Hlíf í áratugi og var eitt fyrsta félagið til að halda þessi kvöld eftir byggingu Hlífar en  samsæti kvenfélagsins Hlífar var eldra. Lionsklúbburinn hefur frá upphafi hlúð að verkefnum í bænum og var einn ötulasti stuðningsaðili  vegna Bræðratungu heimilisins, og fylgdi þvi eftir með stuðningi við eldri borgara á  Elliheimilinu siðan  á Hlíf, Sjúkrahúsinu , Eyri, leikskólana  og fleira ,og þar  sem hefur verið okkur kært. Klúbburinn er ekki stór en hann hefur verðið öflugur I gegnum tíðina.

En eins og allir vita þá hefur skötu og harðfiskverkun verið aðal fjáröflun klúbbsins, sem hefur tekist  vel með dyggum stuðningi bæjarbúa. Og okkur félögum í Lions er  ljúft og skylt að launa til baka.

Ítreka að það eru allir eldri borgarar hjartanlega velkomnir.

Lionsklúbbur Ísafjarðar.

DEILA