Ísafjörður – Kór Langholtskirkju í dag kl. 17:00

Kór Langholtskirkju er í heimsókn hjá félögum sínum í kór Ísafjarðarkirkju og munu kórarnir halda sameiginlega tónleika í Ísafjarðarkirkju kl. 17 í dag, laugardaginn 4. júní.

Á dagskránni eru heldur léttari lög en vanalega heyrast frá kirkjukórum og hægt er að lofa vel völdum og fögrum kórlögum úr öllum áttum.

Það þarf ekki einu sinni að hafa áhuga á kórtónlist til að hrífast með.

Kórarnir munu syngja hvor sitt lagaval en sameinast síðan í lokin í Messe Bréve eftir Charles Gounod, sem er gríðarfallegt kórstykki af bestu gerð.

Tónleikarnir hefjast kl. 17 og aðgangur ókeypis.