Eftir viku hefst dýpkun við Sundabakka á Ísafirði.
Í fyrstu lotu dýpkunarinnar verður efni dælt upp á Suðurtanga og er það liður í að hækka landið til að bregðast við hækkandi sjávarstöðu.
Því er beint til fyrirtækja, einstaklinga og félagasamtaka sem eiga lausafjármuni og aðrar eigur á Suðurtanga að fjarlægja þá án tafar.
Lausamunir sem verða eftir á svæðinu þann 5. júní verða fjarlægðir af Ísafjarðarbæ og eftir atvikum settir í geymslu eða fargað umsvifalaust.
Eigendur hafa tækifæri til að sækja hluti úr geymslunni gegn gjaldi og miðast upphæðin við flutningskostnað við að flytja hlutinn af opnum svæðum í geymslu.
Einnig þarf að framvísa gögnum um rétt eignarhald. Frestur til að sækja hluti í geymslu er 30 dagar.