Vegagerðin óskar eftir tilboðum í endurbyggingu, breikkun, styrkingu og lögn bundins slitlags á um 4,9 km kafla á Bíldudalsvegi um Mikladal.
Tilboð verða opnuð kl. 14:00 þriðjudaginn 5. apríl 2022 og verkinu á að vera lokið 31. ágúst 2023.
Um er að ræða lagfæringu á vegarkafla sem er það slæmur að umferð lítilla fólksbíla hefur oft þótt varhugaverð. Vegurinn er mjór og hefur litlar endurbætur fengið á liðnum árum
Mjór vegur hefur áhrif á hversu vel gengur að snjóhreinsa veginn og erfitt getur verið að mæta á stórum bílum á þannig vegi.
Rétt er að geta þess að fjöldi fólks fer á hverjum degi um veginn um Mikladal þar sem svæðið er eitt vinnusvæði.