Covid19: 10 smit um helgina

Tíu covid19 smit greindust um helgina á Vestfjörðum. Níu þeirra voru í gær á Patreksfirði og eitt á laugardaginn á Bíldudal.

Í Strandasýslu eru nú 3 virkt smit, tvö á Hólmavík og eitt á Drangsnesi. Á Patreksfirði eru 22 smit og eitt á Bíldudal.

Á norðanverðum Vestfjörðum eru 20 smit, 8 á Þingeyri, 6 í Bolungavík, 5 á Ísafirði og 1 á Flateyri.

Alls greindust 1.096 smit í gær og rúmlega 20 þúsund manns eru ýmist í einangrun eða sóttkví.