Hlaupið um Trékyllisheiði

Frá ræsingu í lengra hlaupið við félagsheimilið Árnes.

Skíðafélag Strandamanna stóð fyrir á laugardaginn utanvegahlaupi yfir Trékyllisheiði í Strandasýslu.

Hlaupnar voru tvær vegalengdir 15,5 km og 47 km.

Trékyllisheiði er fjallvegur á milli Steingrímsfjarðar og Trékyllisvíkur í Árneshreppi. Leiðin yfir heiðina var greiðasta leiðin á milli þessara byggðarlaga áður en vegur var lagður meðfram sjónum norðan Bjarnarfjarðar. Heiðarleiðin er mun styttri en bílvegurinn, en liggur víðast í um 400 m hæð og er afar hrjóstrug, gróðursnauð og illviðrasöm á vetrum. Jeppaslóði liggur yfir heiðina, en hann er mjög seinfarinn, nema helst þegar harðfenni er yfir.

Lengra hlaupið hófst við félagsheimilið í Árnesi og haldið upp á fjöllin af Eyrarhálsi og hæst farið í 500 metra hæð. Komið var niður í Selárdal skammt frá eyðibýlinu Bólstað í Steingrímsfirði og halupið inn dalinn eftir Geirmundarstaðavegi að skíðaskálunum á Brandsholti, þar sem hlaupið endaði. Þeir sem hlupu styttri vegalengdina hófu hlaup sitt á Bjarnarfjarðarhálsi.

Alls hlupu 17 lengra hlaupið og 41 styttra hlaupið eða samtals 58 þátttakendur.

Sigurvegar dagsins voru eftirtalin:

Trékyllisheiðin 48 km (karlar)

1. Búi Steinn Kárason 4:28:48 klst.

2. Viktor Vigfússon 4:54:36 klst.

3. Birkir Þór Stefánsson 4:54:53 klst.

Trékyllisheiðin 48 km (konur):

1. Valdís Sigurvinsdóttir 6:01:06 klst.

2. Rakel Steingrímsdóttir 6:49:12 klst.

3. Guðmunda Smáradóttir 6:56:11 klst.

Trékyllisheiðin 16,5 km (konur):

1. Sigþóra Brynja Kristjánsdóttir 1:18:28 klst.

2. Hulda Elma Eysteinsdóttir 1:24:52 klst.

3. Bryndís María Davíðsdóttir 1:34:37 klst.

Trékyllisheiðin 16,5 km (karlar):

1. Samúel Orri Stefánsson 1:20:11 klst.

2. Grétar Smári Samúelsson 1:20:21 klst.

3. Hilmar Hilmarsson 1:25:28 klst.

Sigurvegarar í kvennaflokki lengra hlaupi.
Þrír fyrstu í karla flokki lengra hlaupi.
Keppendur leggja af stað .

Myndir: Skíðafélag Strandamanna.

DEILA