Byggðastofnun úthlutar 4.960 tonnum, þar af 2.050 tonnum til Vestfjarða

Byggðastofnun annast ráðstöfun sértæks byggðakvóta sem kemur til viðbótar almennum byggðakvóta sem Fiskistofa úthlutar eftir reglum sem ákveðnar eru í einstökum sveitarfélögum.

Sértæka byggðakvótanum er ætlað að styðja byggðarlög í alvarlegum og bráðum vanda vegna samdráttar í sjávarútvegi. Byggðastofnun getur gert samninga við fiskvinnslur eða útgerðarfélög til allt að sex ára í senn. Byggðastofnun skal hafa samráð við sveitarstjórn viðkomandi sveitarfélags áður en samningur er undirritaður.

Byggðastofnun gefur gert 13 samninga um sértæka byggðakvótann fyrir samtals 4.960 tonn á ári. Fimm samningar eru við fyrirtæki á Vestfjörðum og eru þeir upp á 2.050 tonn. Í Eyjafirðinum eru þrír samningar með 810 tonn, Á Melrakkasléttunni eru tveir samningar með 900 tonnum og á Austurlandi eru tveir samningar þar sem veittar eru 1.200 tonna aflaheimildir í þorskígildum mælt.

Á Vestfjörðum eru þrír samningarnir í Ísafjarðarbæ og eru 1.400 tonna aflaheimildir í þeim. Einn samningur er í Tálkafirði upp á 400 tonn og einn á Drangsnesi þar sem eru 250 tonn.

Samningarnir eru allir til sex ára.