Sýningin Vakning samanstendur af rúmlega átta hundruð blekteikningum sem Guðrún hefur málað á hverjum morgni í rúm tvö ár, sem einskonar leið til að fanga draumana, mynda þá, jafnvel að skilja þá, skilja sjálfa sig betur.
Fyrir Guðrúnu er þessi gjörningur einskonar rannsókn á eigin undirmeðvitund, skoðun á myndmáli og tengingu þess við arkitýpur og symbolisma og skoða hvernig draumar myndgerarst í minningunni.
Í raun er þetta ein af mörgum aðferðum hennar í leitinni og rannsókninni á sjálfri sér, leið til að fanga óþekkta hluta sjálfs síns og ala sig upp.
Draumskráningarnar eru einskonar tilraun til að afmá skilin á milli þessa heims og hins, heim drauma og hugmynda, sem koma oft frá sama stað.
Verið velkomin á listamannspjallið með Guðrún á síðasta sýningardegi sýningarinnr laugardeginum 5. júní kl 14:00.
