Gamanmyndahátíð Flateyrar í samstarfi við Reykjavík Foto stóðu fyrir 48 stunda gamamyndakeppni á dögunum, þar sem þátttakendur fengu aðeins 48 klst til að fullvinna stutta gamanmynd með þemanu Heppni/Óheppni. Alls voru á þriðja tug stuttmynda sendar inn í keppnina, þar sem landsmenn gátu horft á þær og kosið sína uppáhalds gamanmynd.
Kosningin stóð yfir á heimasíðu Gamanmyndahátíðarinnar, www.IcelandComedyFilmFestival.com og er hægt að horfa á allar innsendar myndir þar.
Það var myndin Heppinn í Ástum eftir þá Árna Þór Guðjónsson, Jón Ólaf Hannesson og Killian G.E Briansson Fitzgibbon sem sigraði í kosningunni og hlutu þeir að launum glæsilega Canon myndavél frá Reykjavík Foto.
Allir þátttakendur í 48 stunda gamanmyndakeppninni fengu þar að auku hátíðararmbönd á Gamanmyndahátið Flateyrar, sem er án efa fyndnasta kvikmyndahátíð Íslands. Hátíðin í ár fer fram dagana 13.-16. ágúst. Á hátíðinni verður sýndar bæði nýjar og gamlar innlendar og erlendar gamanmyndir í bland við uppistand, leiksýningar, tónleika og fleira.
Hægt er að horfa á sigurmyndina hér:
https://www.youtube.com/watch?v=OlElaRozxWU&feature=emb_title
Hægt er að horfa á allar myndirnar sem tóku þátt í keppninni hér:
https://www.icelandcomedyfilmfestival.com/48-stunda-gamanmyndakeppni
