Bæjarráð Bolungavíkur hefur samþykkt minnisblað sem Jón Páll Hreinsson, bæjarstjóri lagði fram, yfir framkvæmdir sem mætti vinna á næstunni. Eru það viðbrögð sveitarfélagsins við samdrætti í efnahagslífinu vegna covid 19 veirunnar.
Í minnisblaðinu segir að allra leiða verði leitað til að flýta þeim framkvæmdum sem fyrirhugaðar eru í 5 ára framkvæmdaáætlun sveitarfélagsins og hægt er að hefja framkvæmdir strax á þessu ári.
Helstu framkvæmdir sem hægt er að flýta:
Grunnskólinn, þakviðgerð
Aðalstræti 20-22, þakviðgerð og málun
Sundlaug/Íþróttamannvirki, ýmsar lagfæringar
Ráðhús, múrviðgerðir og málun
Vatnsveitumál, dælur, forðatankur og tengingar
Bolungarvíkurhöfn, rafmagn endurnýjað á Lækjarbryggju og flotbryggjum
Bolungarvíkurhöfn, Lækjarbryggja viðgerð
Gatnaframkvæmdir, endurnýjun lagna, malbikun og gangstéttar
Opin svæði, fá fyrirtæki og íbúa til samstarfs við fegrun opinna svæða og nánasta umhverfis í sveitafélaginu.
Þá voru samþykktar tillögur um:
að hafin verði vinna við að stofna fasteignafélag á vegum Bolungarvíkurkaupstaðar með það að markmiði að nýta fyrirliggjandi fasteignir í eigu sveitarfélagsins til að útbúa allt að 20 nýjar íbúðir í Bolungarvík á næstu 3 til 5 árum. Heildarumfang þessa
fasteignaverkefnis er allt að 500 m.kr.
hefja vinnu við að stofna þróunarfélag um uppbyggingu þjónustu fyrir ferðamenn á Bolafjalli og í Ósvör, tengt húsnæðisáætlun. Óskað verður eftir stuðningi frá Sóknaráætlun Vestfjarða til að koma að þróunarfélaginu.
Á næstu fundum bæjarráðs verður gengur frá breytingu á framkvæmdaáætluninni fyrir yfirstandandi ár 2020.
