Jarðgöng, öryggismál og umferðarþjónusta er efni fyrirspurnar sem Guðjón S. Brjánsson þingmaður Samfylkingarinnar lagði fram á dögunum og samgöngu- og sveitastjórnarráðherra þarf að svara. Spurningarnar eru svona:
- Hvernig eru veigamestu þættir öryggismála í jarðgöngum hér á landi skilgreindir?
- Eru öryggismál, öryggiseftirlit og umferðarþjónusta í jarðgöngum samræmd?
- Hvernig eru aðstæður með tilliti til öryggismála í hverjum og einum jarðgöngum hér á landi?
- Hyggst ráðherra vinna skipulega að úrbótum ef misræmi reynist vera á milli jarðganga hvað varðar mikilvæga öryggisþætti?
„Á ferðum mínum gegnum jarðgöng á Vesturlandi, Vestfjörðum og jafnvel Austfjörðum reynast aðstæður og umferðarþjónusta mismunandi hvað þetta varðar. Hvernig stendur á viðvarandi misræmi og ætlar ráðherra að vinna að bragarbótum? Við þessu vil ég gjarnan fá svör en kannski fyrst og fremst umbætur, aukið öryggi fyrir vegfarendur„ segir Guðjón S. Brjánsson
