Knattspyrnulið Vestra, sem mun leika í 1. deild í sumar, tekur þátt í Lengjubikarnum og leikur í A deild. Liðið er í riðli 4 ásamt fimm öðrum liðum úr úrvalsdeild og 1. deild, Val, ÍBV, Stjörnunni, Fjölni og Víking frá Ólafsvík.
Vestri lék fyrsta leik sinn á Hlíðarenda í Reykjavík í gær og atti kappi við Val. Marga leikmenn vantaði í lið Vestra og hafði úrvalsdeildarlið Vals nokkra yfirburði í leikum. Fór svo að Valur vann 5:0 eftir að hafa leitt 2:0 í leikhléi.
Næsti leikur verður sunnudaginn 23. febrúar og verður þá leikið við Víking frá Ólafsvík.
Þessi lið kepptu í móti Fótbolta.net fyrr í vetur og skildu liðin jöfn 1:1, en Víkingur vann í vítaspyrnukeppni að leik loknum.
