Þegar þetta er skrifað kl 19:40 eru Geiradalslína og Mjólkárlína úti. Staðan á Vestfjörðum er því þessi: samkvæmt upplýsingum frá Orkubúi Vestfjarða:
Norðanverðir Vestfirðir
Allir notendur eru með rafmagn frá varastöðinni í Bolungarvík og varastöðinni í Súðavík nema í Valþjófsdal og á Ingjaldssandi í Önundarfirði.
Sunnanverðir Vestfirðir og Dýrafjörður
Allir notendur eru með rafmagn frá Mjólkárvirkjun.
Hólmavík og Strandir
Einhverjir notendur eru komnir með rafmagn frá varavélum á Hólmavík og Drangsnesi. Unnið er að því að ræsa Þverárvirkjun og koma rafmagni til fleiri notenda.
Reykhólar
Rafmagn er á Reykhólum frá varastöðinni þar. Rafmagnslaust er í Reykhólasveit, á Króksfjarðarnesi og í Gufudalssveit.
Ísafjarðardjúp
Rafmagnslaust er í djúpinu en unnið er að því að koma inn varaafli.