Hlaupahátíðin á Vestfjörðum hófst í gær með 12 km Skálavíkurhlaupi og 19 km Skálavíkurhjólreiðum. Í báðum greinum hófst keppnin í Skálavík og lauk við Sundlaug Bolungavíkur. Í hjólreiðunum voru 5 keppendur og varð Jóhann Thorarensen fyrstur karla og Anna María Daníelsdóttir fyrst kvenna.
Fimmtán keppendur voru í hlaupinu og þar varð fyrstur karla Gylfi Örn Gylfason og Harpa Víðisdóttir varð fyrst kvenna.
Í dag verður keppt í fimm greinum og að sögn forsvarsmanna hlaupsins verður mjög góð þátttaka.
Dagskráin er þessi:
- Kl. 16:00 Sjósund 1500 m
- Kl. 16:00 Sjósund 500 m
- Kl. 20:00 Arnarneshlaup 21 km
- Kl. 21.00 Arnarneshlaup 10 km
- kl. 22.15 Verðlaunaafhending á Silfurtorgi fyrir Arnarneshlaup
Keppnin heldur svo áfram á morgun og sunnudag. Það eru Riddarar Rósu sem standa fyrir hátíðinni og hafa gert síðustu 10 árin.
Fjallahjólreiðar
Íslandsmeistaramótið í fjallahjólreiðum (XCO) sem haldið er á skíðagöngusvæðinu Seljalandsdal er haldið af Vestri hjólreiðar á Ísafirði.
