Nýr bátur kom í höfn á Drangsnesi 9 mars síðastliðinn. Var það Þorsteinn SH 145 frá Rifi, skipaskrárnúmer 2820. Báturinn er krókaaflamarskbátur og tæplega 15 tonn að stærð. Útgerðarfélagið Skúli ehf á Drangsnesi keypti bátinn og á fyrir annan bát sambærilegan. Ætlunin er að gera báða bátana út á grásleppu og línu.
Margir bæjarbúar mættu til að fagna nýjum bát og var honum gefið Nafnið Benni ST 5 Er hann nefndur eftir Benjamín frá Eyjum, en Eyjar eru jörð fyrir norðan Drangsnes.
