Það þarf að huga að mörgu við undirbúning komu flóttafjölskyldna til landsins. Rauði kross Íslands hefur unnið hörðum höndum að því að aðstoða fjölskyldurnar við að koma sér fyrir í nýjum heimkynnum, en eitt verkefnanna var að útvega barnabílstóla fyrir börnin.
Rauði krossinn leitaði til VÍS, sem úthlutaði verkefninu 6 stóla úr Samfélagssjóði fyrirtækisins.
Starfsmaður VÍS fylgdi verkefninu eftir með því að fara upp í Efstaleiti og festa stólana í rútuna áður en hún lagði af stað út á Keflavíkurflugvöll til að taka á móti hópnum sem var að koma til landsins.
Í samtali við Andra Ólafsson, samskiptastjóra hjá VÍS, segir hann að þau séu glöð með að börnin bætist í hóp ánægðra barna sem eru í öruggum stólum frá VÍS og að eiga þátt í því að stuðla að öryggi þessara nýju íbúa í umferðinni. „Við treystum því að þeir fullorðnu verði til fyrirmyndar og spenni sín belti.“
Margrét Lilja
milla@bb.is
