Ilmolíur á heimilum geta verið skaðlegar gæludýrum einkum köttum. Mikilvægt er að gæludýraeigendur takmarki notkun á skaðlegum ilmolíum og aðgang gæludýra að þeim.
Þetta kemur fram í tilkynningu frá Matvælastofnun sem jafnframt vara gæludýraeigendur við mikilli notkun þar sem gæludýr eru haldin og ráðleggur þeim að skoða vel hvort þær tegundir af olíum sem er verið að nota gætu verið skaðlegar fyrir gæludýrin.
Vinsælt er að nota alls kyns ilmolíur á heimilum. Þar finnast þær ýmist í opnum flöskum, rakatækjum, ilmkertum eða er úðað út í andrúmsloftið.
