Eitthvað fyrir alla á Dýrafjarðardögum

Þingeyri. Mynd: Mats Wibe Lund.

Dýrafjarðardagar, ein glæsilegasta bæjarhátíð Vestfjarða, verða settir í dag klukkan fimm og standa fram á sunnudag. Dagskrá hátíðarinnar er með veglegasta móti og allir, bæði ungir og aldnir, ættu að finna eitthvað við sitt hæfi. Má þar nefna fyrirlestur Óttars Guðmundssonar geðlæknis um kynlíf í fornsögunum,tónleika fyrir yngri kynslóðina með Emmsje Gauta, Íslandsmót í strandblaki og að sjálfsögðu verða hoppukastalar blásnir upp og boðið upp á andlitsmálun fyrir börn.

Dagskrá Dýrafjarðardaga:

Föstudagur:

17:00 – 22:00 Íslandsmót í strandblaki – stigamót

*18:00 Setning hátíðarinnar í Bjarnaborg (niðri við höfn)

*19:15 „Minningar úr Dýrafirði – nokkrar myndyrðingar“ í Grunnskólanum. Opnun myndlistarsýningar Bjarna Guðmundssonar frá Kirkjubóli. Bjarni verður viðstaddur opnunina með gítarinn.

*20:00 Kynlíf í fornsögunum -Gíslastaðir í Haukadal. Húsið opnar kl. 20:00, fyrirlesturinn hefst 20:30 Geðlæknirinn Óttar Guðmundsson fjallar um fornakappa og konur og náin samskipti þeirra. Heitt verður á könnunni.

*20:00 Emmsje Gauti – Diskótek í Félagsheimilinu

23:00 – 03:00 Pöbbakvöld. Lifandi tónlist í Simbahöllinni

Laugardagur:

09:00 – 17:00 Íslandsmót í strandblaki – stigamót

*10:00 Gönguferð út í Keldudal. Gengið frá Sveinseyri út í Keldudal, þar sem verður smá nestis- og sögustopp. Síðan gengið til baka. Göngustjóri og leiðsögumaður er Gunnhildur Björk Elíasdóttir. Börn verði í fylgd með fullorðnum.

*10:00 – 17:00 Hoppukastalar blásnir upp

*11:00 – 18:00 LOFTBOLTI- frábær skemmtun fyrir alla fjölskylduna.

*11:30 – 13:00 Súpa í garði- í ár eru það matgæðinga Vallargötunnar og Hafnarstrætis sem bjóða til hádegisverðar.

*13:00 – 17:00 „Minningar úr Dýrafirði, nokkrar myndyrðingar“ Myndlistarsýning í Grunnskólanum opin.

*13:00 – 15:00 Skálinn – opið hús. Nýr og áhugaverður viðkomustaður í Dýrafirði opinn fyrir gesti og gangandi. Margt skemmtilegt að sjá og skoða.

*13:00 – 16:00 Gíslastaðir í Haukadal opið hús. Annar nýr og spennandi viðkomustaður í Dýrafirði

*13:00 – 16:00 Andlitsmálun fyrir börn hjá sölubásum

*14:00 – 16:00 Hestar, börn geta brugðið sér á bak. Sjá staðsetningu á facebook

*15:00-16:30 Fjölskylduratleikur í anda Amazing race. Rásmark verður auglýst á facebook

*17:00 Dúó Stemma í Félagsheimilinu, skemmtun fyrir börn. Dúó Stemma segir söguna “ Heyrðu Villuhrafninn mig” á sinn einstaka hátt. Tón-leikhús með fullt af spennandi hljóðum, íslenskum þulum, lögum og góðum boðskap.

*19:00 Grillveisla og kvöldvaka með skemmtilegum uppákomum.

*23:00-03:00 Dansleikur í Félagsheimilinu

Sunnudagur:

*10:00 – 17:00 Hoppkastalar blásnir upp

*10:00 – 16:00 LOFTBOLTI

*13:00 – 16:30 „Minningar úr Dýrafirði, nokkrar myndyrðingar“ Myndlistarsýning í Grunnskólanum opin

*10:30 Gíslaganga og rabarbaragrautur, Gíslastöðum í Haukadal.

13:00 – 16:00 Gíslastaðir í Haukadal opið hús. Nýr og spennandi viðkomustaður í Dýrafirði

*14:00 – 17:00 Andlitsmálun

*13:00 Ævar Vísindamaður „Þitt eigið ævintýri – Stórhættulegur upplestur“ í Félagsheimilinu.

*15:00 Gísli á Uppsölum – leiksýning í félagsheimilinu.

*17:00 Tónleikar í Þingeyrarkirkju Jóhanna Halldórsdóttir og Helga Aðalheiður Jónsdóttir

18:00 Hátíðinni slitið í kirkjunni að loknum tónleikum.

 

DEILA