Launagreiðendum fjölgar

Á síðasta ári var að jafnaði 16.721 launa­greiðandi á Íslandi og hafði þeim fjölgað um 705 eða 4,4% milli ára. Á síðasta ári greiddu launa­greiðend­ur að meðaltali um 180.100 ein­stak­ling­um laun sem er aukn­ing um 8.400 eða 4,9% sam­an­borið við árið á und­an. Þetta kem­ur fram á vef Hag­stofu Íslands.

Skipt eft­ir at­vinnu­grein­um hef­ur launþegum fjölgað mikið á milli ára hjá launa­greiðend­um í ferðaþjón­ustu og bygg­ing­ariðnaði. Launþegum hef­ur hins veg­ar fækkað í sjáv­ar­út­vegi.

Á ár­inu 2016 voru að meðaltali 1.577 launa­greiðend­ur og um 24.200 launþegar í ein­kenn­andi grein­um ferðaþjón­ustu og hafði launþegum fjölgað um 3.800 eða um 18,7% frá ár­inu á und­an.

Sömu­leiðis voru að meðaltali 2.404 launa­greiðend­ur og um 10.400 launþegar í bygg­inga­starf­semi og mann­virkja­gerð og hafði launþegum fjölgað um 1.400 eða um 15,6% á einu ári.

„Hafa verður í huga að í þess­um töl­um eru ekki upp­lýs­ing­ar um ein­yrkja sem eru með rekst­ur á eig­in kenni­tölu og greiða sjálf­um sér laun, en slíkt rekstr­ar­form er al­gengt í bygg­ing­ariðnaði, land­búnaði, hug­verkaiðnaði og skap­andi grein­um svo dæmi séu tek­in,“ seg­ir á vef Hag­stof­unn­ar.

smari@bb.is

DEILA