Viðræður á núll punkt

Viðræður sjómanna og útgerðanna eru komnar á núll punkt. Þetta kemur fram í frétt Verkalýðs Vestfjarða eftir samningafund sem haldinn var hjá ríkissáttasemjara í gær. Á fundinum höfnuðu útgerðarmenn höfnuðu öllum kröfum sjómanna og höfnuðu einnig þeim hugmyndum að byggt yrði ofan á þann samning sem var felldur í desember 2016.

Í fréttinni kemur fram að viðbrögð útgerðarinnar setji viðræðurnar í raun á núll punkt og að því miður sé ekki hægt að segja annað en að deilan hafi harðnað til muna eftir þessi hörðu viðbrögð útgerðarmanna við kröfum sjómanna.

Ríkissáttasemjari hefur boðað deiluaðila til fundar mánudaginn 9. janúar þar sem næstu skref í viðræðunni verða ákveðin.

brynja@bb.is

DEILA