mbl.is | 14.07.2005 | 08:15Öryggisverðir í lyfjaverslanir
Öryggisverðir verða í verslunum Lyfja og heilsu þessa vikuna í það minnsta, og er það meðal viðbragða lyfsölukeðjunnar við vopnuðum ránum í verslununum undanfarið, en tvö vopnuð rán voru framin í verslunum keðjunnar um og eftir síðustu helgi. Starfsfólk Lyfja og heilsu hittist á fundi í gærkvöldi til þess að ræða þá stöðu sem upp er komin vegna ránanna og var forvarnarfulltrúi Lögreglunnar í Reykjavík fenginn til að gefa góð ráð.„Þetta er liður í áfallahjálp, að hjálpa fólki að vinna úr áfallinu. Mesta skelfingin bitnar á örfáum starfsmönnum sem verða fyrir þessu ofbeldi," segir Hjalti Sölvason, rekstrarstjóri Lyfja og heilsu.
Hann segir forsvarsmenn lyfjakeðjunnar hafa óttast fjölgun rána í verslunum sínum undanfarið.
Nánar er fjallað um málið í Morgunblaðinu í dag.
Til baka - Prenta frétt - Senda frétt - Senda á Facebook
Kommentað um frétt (0 Komment )
Til að geta kommentað um fréttir þarftu að innskrá þig í dálkinum vinstra megin, eða nýskrá þig ef þú ert ekki þegar skráður.