John Terry þakkar fyrir sig á vellinum í leikslok. Reuters |
mbl.is | 09.02.2010 | 10:03Terry þakklátur stuðningsmönnum Chelsea
John Terry, fyrirliði enska knattspyrnuliðsins Chelsea, kveðst afar þakklátur stuðningsmönnum félagsins fyrir að sýna að þeir stæðu við bakið á sér í leik liðsins við Arsenal í úrvalsdeildinni á sunnudaginn. Terry hefur látlaust verið í fréttunum undanfarna daga vegna meints framhjáhalds og mála því tengdu. Baulað hefur verið á hann þar sem Chelsea hefur spilað að undanförnu og Terry hefur verið sviptur stöðu landsliðsfyrirliða Englands.„Ég vil koma á framfæri þakklæti til hvers einasta stuðningsmanns. Þetta var tilfinningaþrunginn dagur fyrir mig og það hefur verið hreint ótrúlegt hvernig stuðningsmenn félagsins hafa reynst mér undanfarnar tvær vikur. Ég átti ekki von á allir þessari hvatningu í dag og hver einasti á þakkir skildar. Þetta var stórkostlegt, og ég meina hvert orð sem ég segi," sagði Terry við Chelsea TV, sjónvarpsstöð félagsins.
Til baka - Prenta frétt - Senda frétt - Senda á Facebook
Kommentað um frétt (0 Komment )
Til að geta kommentað um fréttir þarftu að innskrá þig í dálkinum vinstra megin, eða nýskrá þig ef þú ert ekki þegar skráður.