Frétt

bb.is | 11.08.2009 | 14:48Vitlausasta hugmynd sem sést hefur á prenti að mati lögreglumanna

Önundur Jónsson yfirlögregluþjónn á Vestfjörðum telur að erfitt verði að framfylgja nýjum reglum ef af verður.
Önundur Jónsson yfirlögregluþjónn á Vestfjörðum telur að erfitt verði að framfylgja nýjum reglum ef af verður.
Hugmyndir um að takmarka farþegafjölda í bifreiðum ungra ökumanna aðfararnætur laugardaga og sunnudaga falla í grýttan jarðveg hjá Snorra Magnússyni, formanni Landssambands lögreglumanna. Hann segir hugmyndina einhverja þá vitlausustu sem sést hefur á prentu. „Það verður ógjörningur að framfylgja þessu, nema með öðru eftirliti og ég sé ekki fram á, miðað við árferðið eins og það er í dag, að það verði settar í þetta einhverjar fjárveitingar til að taka á þessum málum sérstaklega.“ Önundur Jónsson, yfirlögregluþjónn lögreglunnar á Vestfjörðum, tekur undir orð formannsins. „Það verður mjög erfitt að framfylgja þessum lögum, auk þess sem ég sé vandkvæði við að rekja svona mál fyrir dómi.“

Önundur líkir þessum hugmyndum við núverandi lög sem leyfa 18 ára unglingum að sækja skemmtistaði sem selja áfengi. Erfitt hafi verið fyrir lögregluna og starfsfólk skemmtistaða að framfylgja þeim. Hann segist hins vegar skilja hvað nefndin er að reyna að koma í veg fyrir. „Farþeginn í framsætinu er hættulegastur, t.d. ef hann er drukkinn. Það verður einskonar múgsefjun þegar ungur bílstjóri er með drukkna farþega sem mana og ögra ökumanninn til einhvers sem hann myndi alls ekki gera við venjulegar kringumstæður.“

Að sögn Önundar þætti honum skynsamlegast að fá tryggingarfélögin til að taka þátt í þessu. „Til að svona virki þarf að koma við buddu fólks.“ Önundur benti á að vert væri að skoða leið sem farin er í Bandaríkjunum þar sem tryggingarfélög eru með sér verðskrá fyrir bíla sem ungir ökumenn hafa aðgang að og keyra einir. Þar þarf t.d. að tilkynna ef ökumaður undir tvítugt fær að keyra fjölskyldubílinn einn og þá hækka iðgjöldin í samræmi við það, en fara svo stiglækkandi eftir því sem ökumaðurinn eldist.

Nefnd sem skipuð var til að endurskoða umferðarlög skilaði á dögunum niðurstöðum sínum. Meðal þess sem nefndin leggur til er að bílprófsaldur verði hækkaður í 18 ár og að ökumönnum á aldrinum 18 til 20 ára verði bannað að hafa fleiri en einn farþega í bílum sínum á laugardags- og sunnudagsnóttum. Þetta gildi þó ekki ef farþegi er barn ökumanns eða foreldri eða ef um er að ræða akstur í neyð.

Rökin sem nefndin færir fyrir farþegabanninu tengjast öryggismálum. Er akstur á þessum tíma oft sagður tengjast skemmtanahaldi og þá geti fullur bíll af farþegum truflað einbeitingu ungra ökumanna.

atli@bb.is

bb.is | 21.12.14 | 10:36 Skötuveislur á Þorláksmessu

Mynd með frétt Sá siður að borða skötu hefur breiðst út frá Vestfjörðum og yfir allt landið á síðustu áratugum. Fjölmargir hafa fyrir sið að koma saman í hádeginu eða um kvöldið á Þorláksmessu og snæða saman kæsta tindabikkju með hnoðmör, kartöflum og rúgbrauði. ...
Meira

bb.is | 21.12.14 | 09:13Aðalpersónur teiknimynda líklegar til að deyja

Mynd með fréttGömlu Grimmsævintýrin vinsælu eru eins og margir vita ákaflega grimmdarleg og þar er börnum ekki hlíft við ofbeldi en ofbeldið verður heldur aldrei meira en börnin sjálf geta ímyndað sér vegna þess að engar eru myndirnar. Þessu er öðruvísi farið með ...
Meira

bb.is | 20.12.14 | 10:422.574 heimili í vanskilum

Mynd með fréttHeildarútlán Íbúðalánasjóðs í nóvember 2014 námu 639 milljónum króna, en þar af voru almenn lán um 339 milljónum. Til samanburðar námu almenn útlán í nóvember 2013 946 milljónum króna. Meðalfjárhæð almennra lána var 10 milljónir króna. Hlutfall undirliggjandi lánavirðis einstaklinga í ...
Meira

bb.is | 20.12.14 | 09:17Útgerðin hefur hagnast um 97 milljarða frá árinu 2009

Mynd með fréttÚtgerðir smábáta og fiskiskipa á Íslandi hafa hagnast um 97,5 milljarða króna á síðastliðnum fimm árum, eða frá árinu 2009. Þetta kemur fram hjá Kjarnanum og byggt á upplýsingum sem Creditinfo tók saman að beiðni blaðsins. Tölurnar eru fengnar úr ársreikningum ...
Meira

bb.is | 19.12.14 | 16:45Hagnaður hjá Bolungarvíkurkaupstað

Mynd með fréttFjárhagsáætlun Bolungarvíkurkaupstaðar fyrir árið 2015 var samþykkt í bæjarstjórn Bolungarvíkur við síðari umræðu á fundi bæjarstjórnar á miðvikudag. Áætlunin gerir ráð fyrir að heildarvelta samstæðu A- og B- hluta verði um einn milljarður króna sem skiptist þannig að velta A-hluta ...
Meira

bb.is | 19.12.14 | 14:50Óska eftir skýringum á „seinagangi“ Orkubúsins

Mynd með fréttÍ ljósi langvarandi og alvarlegs rafmagnsleysis í dreifbýli Vesturbyggðar undanfarna daga og vikur hefur bæjarráð Vesturbyggðar óskað eftir upplýsingum frá Orkubúi Vestfjarða um „ástæður seinagangs á viðgerðum á viðkomandi stöðum,“ eins og það er orðað í ályktun bæjarráðs. Einnig segir í ...
Meira

bb.is | 19.12.14 | 13:0111,5 milljóna króna rekstrarafgangur

Mynd með fréttFjárhagsáætlun Súðavíkurhrepps var samþykkt á fundi sveitarstjórnar fyrir viku. Gert er ráð fyrir að heildartekjur, A og B hluta sveitarsjóðs verði um 258 milljónir króna og heildarútgjöld verði um 233 milljónir. Fjármagnsgjöld umfram fjármagnstekjur eru áætlaðar um 3,2 milljónir og afskriftir ...
Meira

bb.is | 19.12.14 | 10:54Páll Janus ráðinn yfirþjálfari

Mynd með fréttÍsfirðingurinn Páll Janus Þórðarson hefur verið ráðinn yfirþjálfari Sundfélagsins Vestra. „Hann tekur við öllu, þar á meðal HSV skólanum. Það verður mikið um breytingar hjá okkur eftir áramót,“ segir Lilja D. Ólafsdóttir, stjórnarmaður í Vestra. Sundfélagið auglýsti eftir nýjum yfirsundþjálfara í ...
Meira

bb.is | 19.12.14 | 09:23Starf afturkallað vegna færslu á Facebook

Mynd með fréttÍ blaðinu Vestfirðir sem kom út í gær, í ritstjórn Kristins H. Gunnarssonar, er því haldið fram að loforð sjómanns fyrir starfi hafi verið afturkallað vegna andstöðu Jakobs Valgeirs Flosasonar, framkvæmdastjóra Jakobs Valgeirs ehf. Blaðið segist hafa heimildir fyrir því ...
Meira

bb.is | 19.12.14 | 07:42Hvað eru jólasveinarnir margir?

Mynd með fréttÁrni Björnsson sem yfirleitt er kallaður þjóðháttafræðingur, verður ævinlega fyrir ágangi fjölmiðla þegar kemur að árstíðabundnum hátíðum. Ástæðan er sú að hann veit nánast allt sem viðkemur siðum og hefðum sem hafa lifað með íslenskri þjóð um lengri, eða oftast styttri ...
Meira


Byggir á LiSA vefumsjónarkerfi frá Eskli