| Fyrri mynd | Næsta mynd |
Þjóðverjinn Andre Rosset var að vonum ánægður með aflann. Lúðan var býsna stór. Veiðifélagarnir að löndun lokinni. | |
bb.is | 19.06.2007 | 09:42175 kílóa lúða fékkst á sjóstöng út af Súgandafirði
Stórlúða veiddist á sjóstöng út af Súgandafirði í gær, en hún vóg 175 kíló. Veiðimennirnir eru í hópi þýskra sjóstangveiðimanna sem eru við veiðar hjá ferðaþjónustufyritækinu Hvíldarkletti ehf. á Suðureyri. Þetta er ekki í fyrsta sinn sem veiðimennirnir fá stórlúðu en í síðustu viku veiddust tvær nokkuð stórar lúður. Sú sem veiddist í gær er rúmlega tvöfalt stærri en þær fyrri. Ekki er vitað til þess að svo stór lúða hafi fengist á stöng á Íslandi. Elías Guðmundsson, framkvæmdastjóri Hvíldarkletts, segir að svona veiði sé mjög góð auglýsing fyrir sjóstangaveiðina á Suðureyri. „Það vill þannig til að það er maður frá ferðskrifstofunni Angelreisen hjá okkur. Hann sagði að það yrði uppselt hjá okkur á næsta ári þegar þessi fiskisaga flýgur af stað. Svo eru hér kvikmyndatökumenn að gera heimildarmynd um sjóstangaveiði þannig að þetta náðist allt á filmu.“smari@bb.is
Til baka - Prenta frétt - Senda frétt - Senda á Facebook
Kommentað um frétt (0 Komment )
Til að geta kommentað um fréttir þarftu að innskrá þig í dálkinum vinstra megin, eða nýskrá þig ef þú ert ekki þegar skráður.