Hin árlega Sæluhelgi var haldin á Suðureyri dagana 11. til 13. júlí 2003 og var aðsókn gesta með svipuðu móti og undanfarin ár. Að sögn aðstandenda gengu hátíðarhöldin vel en talið er að um 1.500 manns hafi verið í bænum. Fjölskylduskemmtun var haldin í Staðardal á föstudag og létu menn ekki smá vind á sig fá þó samkomutjald hafi fokið. Keppt var í fjölda íþróttagreina, meðal annars gjarðarskoppi, flúðarallýi og sandkastalakeppni. Þá var skotið á loft flugeldum og kveikt í gríðarmikilli brennu sem virðist stækka ár frá ári. Á laugardag voru haldnir dansleikir í félagsheimili, keppt í mansaveiði og leikfélagið Hallvarður súgandi sýndi verkið Bróðir minn ljónshjarta, svo fátt eitt sé nefnt. Sæluhelgi lauk með furðufatadagegi á Suðureyri við Súgandafjörð. Meðfylgjandi svipmyndir tók Þorsteinn J. Tómasson.