Grein

Ásthildur Cesil Þórðardóttir.
Ásthildur Cesil Þórðardóttir.

| 31.05.2000 | 15:33Sumarhugleiðingar garðyrkjustjóra

Mig langar til að byrja að minnast á umgengni bæjarbúa um gróðursvæði. Auðvitað eru margir sem ganga vel um, en umgengnin er samt alveg ömurleg. Það liggur við að ég þurfi áfallahjálp á vorin, þegar ég kem að gróðursvæðunum því þau eru öll út trömpuð. Fólk er alltaf að stytta sér leið. Börnin klifrandi í trjánum og hjólandi gegnum runnana.
Við þurfum að taka okkur á í þessu, öll sem eitt. Það kostar ekki nema nokkrar kaloríur að fylgja göngustígum, í stað þess að vaða yfir það sem næst er. Við þurfum líka að brýna fyrir börnum okkar að ganga vel um náttúruna. Börn eru skynsamt fólk, og ef maður talar við þau um þessa hluti, þá skilja þau hvað um er að ræða. Þau geta vel skilið að Ísland er napurt land, þar sem þarf að hafa mikið fyrir því að rækta trjágróður. Við þurfum öll að taka okkur á og hjálpast að að ganga vel um.

Núna er háannatími garðyrkjumannsins. Það þarf að klippa og snyrta tré og runna, skipta blómum og flytja plöntur sem ekki eru á réttum stað. Talandi um réttan stað. Það þarf að velja hvað á að vera í garðinum og hvaða tilgangi hann á að þjóna. Byrja verður á að fá gott skjól í garðinn sem hlífir öðrum viðkvæmari og meira spennandi plöntum. Hitastig garðsins hækkar líka við skjólgirðingar, hvort sem þær eru úr timbri eða lifandi gróðri. Það er mesti misskilningur að þegar búið er að koma með plöntuna heim og gróðursetja hana, að þá sé öll vinnan búin. Maður þarf endalaust að huga að gróðrinum. Það þarf að gefa áburð, vökva mikið, vegna þess að hér rignir tiltölulega lítið yfir sumarið.

Einnig þarf að huga að því að gróðurinn fari ekki út um allt. Við þurfum að hemja hann. Ef við viljum t.d. hafa grenitré í litlum garði, þá er það allt í lagi svo fremi sem við látum grenið ekki vaxa yfir allt sem fyrir verður. Við þurfum að ákveða hversu mikið pláss grenitréð má hafa í garðinum og síðan klippum við af því þegar það vex yfir þá línu. Það er mjög auðvelt að klippa flestar plöntur, sumar þarf að klippa á réttum tíma, eins og birki sem er svokallaður blæðari, þ.e. þegar það fer að laufgast, þá eykst blóðstreymið það mikið að plöntunni blæðir mikið ef klipptar eru stórar greinar af á því tímabili. (Ég tala um blóðstreymi vegna þess að plöntur hafa æðakerfi sem er mjög líkt okkar mannanna. Æðar flytja næringu frá jarðveginum til krónunnar og æðar flytja súrefnið úr loftinu niður í ræturnar. Samanber bláæðarnar og ósæðarnar okkar, en plönturnar hafa grænu korn í staðinn fyrir rauð blóðkorn.)

Við getum tekið næstum hvaða tré sem er og myndað það í allskonar fígúrur. Þetta er mjög lítið stundað hér, og fólk þyrfti að hugsa meira um að klippa. Hugsið ykkur t.d. að hafa grenikúlu eða lerkisúlu í garðinum. Þetta getur orðið mjög flott. Það er ein slík grenikúla í Jónsgarði sem er mjög þétt og fín. Þetta var gamalt grenitré við samliggjandi göngustíga sem var toppbrotið og ekkert augnayndi. Ég hugsaði með mér hvað ég gæti gert til að leyfa því að vera. Og þá datt mér í hug að klippa það til og í dag er það ljómandi fallegt. Eins verður með trén við Landsbankann. Bankastjórinn vildi ekki há tré, en hann vildi fá sígrænar, fallegar plöntur. Þetta varð lausnin, að taka greni og klippa það til. Við getum líka tekið birki og raunar hvaða plöntu sem er, og klippt hana eftir okkar hugmyndum. Þetta er sérstaklega æskilegt í litlum görðum. Annað sem við getum hugsað um, ef við viljum fá stórt limgerði strax, en það er að kaupa stórar plöntur og gróðursetjum þær þétt. Það eru til mjög falleg birki limgerði sem eru lítið klippt, en trén standa mjög þétt og verða þess vegna með grennri stofna. Ef þið eigið leið upp í Mosfellsdal, þá skuluð þið heimsækja Gróðrarstöðina Grásteina. Björn Sigurbjörnsson er þar eigandi. Hann hefur gert mikið af svona grönnum háum limgerðum og það er gaman að skoða þau hjá honum. Stöðin hans er líka afskaplega snyrtileg og falleg.

Eitt sem fólk ætti líka að hafa í huga í sambandi við snyrtimennsku er að þótt lóðin nái ekki alveg út að gangstétt eða götu, þá tekur maður einfaldlega í fóstur þá ræmu sem ber í milli. Það er ekkert snyrtilegt við garð, þó flottur sé innan girðingar, ef næsta umhverfi er allt fullt af njóla og öðru illgresi. Sumstaðar þar sem lóðir snúa upp í hlíð eða þar sem er óræktarsvæði, er þetta auðvitað ógerlegt. Ég er bara að tala um þar sem bil myndast frá lóð að götu eða gangstétt. Ef maður er svo óheppinn að hafa órækt við hliðina sem er ekki h


Til baka - Prenta grein - Senda grein - Senda á Facebook

Byggir á LiSA CMS. Advania - LiSA, Sharepoint, Veflausnir og Vefumsjónarkerfi