Frétt

| 19.01.2000 | 14:48Byggðinni er viðbjargandi

Kristinn H. Gunnarsson.
Kristinn H. Gunnarsson.
Kristinn H. Gunnarsson (47), alþingismaður Vestfirðinga (B), er formaður nýskipaðrar stjórnar Byggðastofnunar. Einnig eiga sæti í stjórninni Einar K. Guðfinnsson (44) alþingismaður (D) og sr. Karl V. Matthíasson (47) varaþingmaður Vestfirðinga (S), auk þriggja annarra karla og einnar konu. Kristinn tekur við stjórnarformennskunni af Agli Jónssyni (69), fv. alþingismanni Austfirðinga (D).
„Ég hygg að mikilvægast sé að byggja upp fleiri svæði á landinu en Reykjavíkursvæðið", sagði Kristinn H. Gunnarsson í samtali við Bæjarins besta um brýnustu verkefni hinnar nýju stjórnar Byggðastofnunar, „og geta boðið þar upp á sambærilega möguleika í lífskjörum og atvinnu og öðru sem máli skiptir. Þannig eigum við að geta dregið úr því ójafnvægi sem skapast hefur. Það er nokkuð ljóst hvað gera þarf til að ná þessu markmiði og eitt helsta verkefnið verður að vinna þeim aðgerðum stuðning og skilning."
- Er byggð á Vestfjörðum viðbjargandi?
„Já, ég tel að henni sé vel viðbjargandi. Ég held að þó að halli undan fæti þessi árin, þá sé það ekki til marks um að byggðin eigi ekki framtíð fyrir sér. Hins vegar þarf að breyta hlutunum þannig að betur gangi en verið hefur og lykilatriðið er að jafna lífskilyrðin. Eitt af þeim svæðum sem ég tel að eigi að byggja upp með þessum hætti er á Vestfjörðum. Annað svæði gæti verið á Norðurlandi kringum Eyjafjörð og hið þriðja á Mið-Austurlandi. Aftur á móti sýnist mér að svæðið í nágrenni Reykjavíkur, allt frá Borgarfirði og austur fyrir Selfoss, njóti nálægðarinnar við höfuðborgina.
- Það vekur athygli, að þrír af sjö nýskipuðum stjórnarmönnum Byggðastofnunar eru þingmenn og varaþingmaður Vestfirðinga og fjórir af sjö eru búsettir í hinu væntanlega Norðvesturkjördæmi. Er þetta vísbending um áherslur?
„Já, þetta er auðvitað vísbending um áherslur. Í fyrsta lagi af hálfu stjórnmálamanna af þessu svæði. Þeir vita sem er, að þetta svæði er tiltölulega veikt og þarf því stuðning og þess vegna sækjast þeir eftir að komast í þessa aðstöðu. Ég hygg að þetta sé líka vísbending frá ríkisstjórnarflokkunum um það, að með því að setja þessa menn í verkið ætli þeir þeim að reyna að snúa þesari þróun við."

bb.is | 28.09.16 | 11:45 Engin mengun í vatninu

Mynd með frétt Enga saurgerlamengun er að finna í neysluvatni Súðvíkinga. Nýjar sýnatökur, víðsvegar um bæinn, leiddu það í ljós en saurgerlamengun greindist í vatninu á mánudaginn við reglubundið eftirlit. Vatnssýnið var staðbundið og hafði nokkuð veikt gildi.
Meira

bb.is | 28.09.16 | 09:37Flateyringar beðnir afsökunar

Mynd með fréttBæjarráð Ísafjarðarbæjar biður Flateyringa afsökunar á saurgerlamenguðu vatni á Flateyri fyrr í þessum mánuði. Heilbrigðiseftirlit Vestfjarða tók vatnssýni á Flateyri 31. ágúst og var sýnið sett í ræktun hjá Matís í Reykjavík þann 1. september. Mánudaginn 5. september barst Heilbrigðiseftirlitinu staðfesting ...
Meira

bb.is | 28.09.16 | 09:01Vinna með ítölskum landslagsarkitektum

Mynd með fréttGrunnskólanum á Þingeyri barst góð heimsókn frá Ítalíu er ungir landslagsarkitektar dvelja þar í bæ á vegum listavinnustofu Simbahallarinnar. Þau Francesca, Andrea, Marco og Elisa unnu með nemendum í 5.-10.bekk skólans að verkefninu „Örugg gata.“ Verkefninu, sem unnið er í samvinnu ...
Meira

bb.is | 28.09.16 | 07:47Ævintýraleg skötuselsveiði

Mynd með frétt„Veiðin hefur verið í einu orði sagt ævintýraleg. Við lögðum netin úti af Grænuhlíð í Ísafjarðardjúpi þann 7. september, erum búnir að draga 1.000 net og komnir með 60 tonn af skötusel,“ sagði Jóhann Benónýsson skipstjóri á Glófaxa VE þegar Fiskifréttir ...
Meira

bb.is | 27.09.16 | 16:50Velunnurum þakkaður hlýhugur

Mynd með fréttBoðið var til kaffisamsætis á hjúkrunarheimilinu Eyri á Ísafirði í dag. Starfsfólk og íbúar vildu með þessu móti þakka hlýhug sem þau hafa fundið fyrir hjá íbúum norðanverðra Vestfjarða frá því að hjúkrunarheimilið var tekið í notkun í janúar á þessu ...
Meira

bb.is | 27.09.16 | 14:50Æsispennandi kappvöxtur hæstu trjáa Vestfjarða

Mynd með fréttHæstu tré sem vaxa á Vestfjarðakjálkanum nálgast nú tuttugu metra hæð og má búast við að þeirri hæð verði náð á næsta ári. Sú spennandi staða er komin upp í skógrækt á Vestfjörðum að afar jafnt er í kapphlaupi alaskaaspar í ...
Meira

bb.is | 27.09.16 | 14:50Píratar og Sjálfstæðisflokkur stærstir

Mynd með fréttPíratar og Sjálfstæðisflokkurinn mælast stærstir í nýjustu könnun MMR sem framkvæmd var dagana 20. til 26. september. Flokkarnir mælast þó með örlítið minna fylgi en í síðustu könnun þegar báðir flokkarnir mældust með 22,7% fylgi. Nú mælast Píratar með 21,6% og ...
Meira

bb.is | 27.09.16 | 13:23Vilja ráða sálfræðing og barnalækni í fastar stöður

Mynd með fréttReglulegar heimsóknir sérfræðinga við Heilbrigðisstofnun Vestfjarða eru umsetnar og oftast komast færri að en vilja. Í frétt á RÚV var greint frá því að á þriðja hundrað manns séu á biðlista eftir augnlækni, en slíkur kemur til Ísafjarðar fjórum til fimm ...
Meira

bb.is | 27.09.16 | 11:48Allt að 200 megavatta orka

Mynd með frétt„Þetta getur að mínu mati haft mikil áhrif á orkuöryggi þjóðarinnar, meiri en menn hafa verið að hugleiða hingað til. Ég tel að hægt sé að virkja allt að 200 MW á þessu svæði sem er utan hættusvæða vegna eldgosa og ...
Meira

bb.is | 27.09.16 | 09:37Gerir athugasemd við úreltar tölur

Mynd með fréttBæjarráð Ísafjarðarbæjar gerir athugasemd við að gamlar og úreltar tölur um fjölda skemmtiferðaskipa eru notaðar í drögum að matsáætlun Arnarlax fyrir 10.000 tonna laxeldi í Ísafjarðardjúpi. Í matsáætluninni er vísað í tölur frá 2009 þegar 29 skemmtiferðaskip komu til Ísafjarðar. Þeim ...
Meira


Byggir á LiSA vefumsjónarkerfi frá Eskli